Nytt hus, og alt er kvitt

Kategorier:

- Stue

- Barnerom

- Soverom

- Kjøkken

- Gang

Hei! Vi har nettopp kjøpt oss nytt hus: https://www.finn.no/317617311 Som de ser, så er absolutt alle veggar kvite. Det er litt lite inspirerande syns vi, og samtidig er det litt vanskelig med så blanke ark. Med tanke på at huset er frå 2012, så går eg ut ifrå at fargen er bomull, men sidan vi ikkje har tatt over så kan ikkje eg garantere det. Vi ser for oss at vi iallfall vil male kjøkken/stove, nokre møblar til desse romma, og dei to soveromma nede snart. Kanskje også gangen, viss ikkje får den vere kvit ei stund til. Og her treng vi altså litt hjelp. Først litt generelt om kva vi liker: I grunnen er ikkje stilen på huset vår favoritt, for vi elskar begge gamle, koselige sørlandshus. Blågrøne fargar er favoritten, og svart og lillatonar er kanskje det som er minst favoritt (blå, grøn og haustfargar liker vi mykje bedre!). Det viktigaste er ikkje at det er moteriktig, men at det følast koselig og avslappande, og evt også eit snev av kult og kreativt. Vi er ikkje redde for skarpe fargar i interiøret, men akkurat veggfargen ønsker vi gjerne skal vere av det litt dusare slaget. Kjøkken/stove: Vi er altså begge veldig glad i blågrøne fargar, og Jotun Iconic er vår favoritt på panelveggar i rom med mykje lys. Vil den funke her også på slette veggar, eller bør vi velge ein annan? Og skal vi ha den på alle veggane? Vi har eit par innslag av knallraudt som blir ståande framme, f eks kjøkkenmaskina, så fargen bør funke til det. Eg har også arva spisestuemøblar frå 40-talet. Diggar dei gamle, solide møblane med litt snirkel i mønsteret, men ønsker gjerne å male dei for å gi dei litt nytt liv. Det er altså bord, stolar og eit par skjenkar. Tips til farge tek eg imot med takk! Har også eit gamalt og solid vitrineskap som eg har tenkt å ta av dei øvste dørene på, ta vekk nokre hyller, henge opp pendellampar og lage det til ein stilig kaffibar. Her treng eg også fargeråd. Har tenkt på ein eller annan gulfarge på utsida, men er veldig i tvil. Soverommet vårt nede: Ein avslappande farge. Soverommet til jentene nede: Har tenkt på ein grønfarge, kanskje? Må vere litt tidlaust, så kan vi heller bytte ut møblar o.l. etter kva dei liker. Dei er ikkje prinsessejenter, men Peppa Gris står høgt i kurs, og det skal bl a inn ei slik seng: https://www.eurotoys.net/product/Gurli_Gris_junior_seng_u_madrass_Gurli_Gris_Boernemoebler_659021.asp?site=324&vn=242-659021 Det må altså gå til litt rosafargar likevel. Gangen: Tips til farge, evt om den berre skal vere kvit? Øverste etasje får vere ei stund til, vi får meir enn nok å gjere med å male resten med to små i hus… Og det minste rommet i hovudetasja tenker vi å lage til leikerom med ein koselig tapet på veggane. Sett stor pris på tips og råd!