Koselig kjøkken

Kategorier:

- Kjøkken

Lister/dører/vinduer : Bomull? Tippar eg…

Hei! Vi skal flytte inn i nytt hus, og ønsker å få til ein koselig og varm heim. Gangane er ganske mørke. Trur yttergangen er Industrial Blue eller ein ganske lik. Mellomgangen er ein annan blåfarge, men tanken er å måle den i Balanse, som ein overgang. Stova har tømmerveggar, og den har vi måla i Iconic. Pipa blir i bomull, inntil vidare, og ein tømmervegg skal pussast fram og oljast. Furugolva er undervegs i pussing og skal kvitlaserast med Osmo olje, både i mellomgang, stove og kjøkken. Så er det altså resten av kjøkkenet… Nye, gammaldagse dørhandtak til kjøkkeninnredninga er kjøpt inn, og tanken var å måle innredninga i Løvsal og veggen i ein lys farge. Men kjøkkenet har mindre lysinnslepp enn stova, og Løvsal viste seg å sjå likt ut som Iconic… No treng vi altså hjelp. Kjøkkeninnredninga må målast, for folien flaknar av, men kva farge? Vi tenkte i utgangspunktet ein lun grønfarge. Og så har vi veggen, som er i smartpanel med perlestaff. Og eit gamalt kjøkkenbord frå 40-talet kan gjerne også få seg eit malingsstrøk, så det ikkje ser så mørkt og tungt ut. Vi liker godt landlig stil, og ønsker altså det skal vere eit koselig kjøkken. Men vi er også glade i fargar, og har f eks ei knallraud Ankarsrum kjøkkenmaskin. Grøne kjøkken er jo veldig fine, men gult er også fint. Gjer ingenting om bordet f eks blir lysegult, for min del. Pinnestolane er frå før i fargen Flo, men det kan sjølvsagt gjerast om på. Her er det altså nok å ta tak i.😅 Korleis få kjøkkenet fint og trivelig, men ikkje til å sovne av? Og så må det jo passe overens med Iconic i stova også.